Kathleen Nora March naceu en Rochester (NY) en 1949 e formouse como especialista en estudos hispánicos, latinoamericanos e portugueses; na actualidade é catedrática emérita de Español na University of Maine. En 1975 veu a Galiza para investigar sobre a poesía de Manuel Antonio e aquí quedou prendida, galega por elección. Logo virían estudos sobre Carvalho Calero, Castelao, Luz Pozo, Xohana Torres e tamén Rosalía, a quen nos ensinou a ler como a literata consciente que foi, en diálogo permanente co pensamento e coa literatura universal do seu tempo. Segundo a propia Kathleen, foi a lectura e análise de La hija del mar o que a inspirou para estudar, a partir de 1988, a sempre complexa intersección entre literatura, feminismo e nacionalismo en Galicia.

As súas traducións de Cunqueiro, Rosalía e Otero Pedrayo son outra faceta dun traballo académico imprescindíbel, que axudou á proxección da literatura galega no ámbito anglosaxón. Nos anos 80 fundou e presidiu a Galician Studies Association (a actual Asociación Internacional de Estudos Galegos), que se revelou como unha utilísima ferramenta para impulsar os estudos galegos na academia norteamericana e, posteriormente, no ámbito internacional.

Muller radicalmente comprometida coas súas ideas, a partir do ano 2000 — tras varias décadas de docencia universitaria — Kathleen March comezou a desenvolver nas aulas un método de ensino estruturado como un servizo aberto á comunidade, o que a levaría a traballar, xunto ao seu alumnado, en Honduras, desenvolvendo diversos proxecto sociais, culturais e pedagóxicos.

Sempre inqueda, é tamén doutora en Creación Literaria pola University of Maine dende 2002, e recentemente comezou a publicar, baixo o formato de libro de artista, as súas versións ao inglés de Las literatas e Lieders de Rosalía de Castro.

Nos últimos anos Kathleen Nora March está a recibir numerosos galardóns e recoñecementos polo seu labor, como o Premio da Cultura Galega no apartado de Proxección Exterior, que lle foiconcedido en 2015.

Artigo recollido en www.culturagalega.org
CCG_ig_album_KM_nai_aboa.jpgCCG_ig_album_KM_1950.jpg CCG_ig_album_KM_nai.jpg CCG_ig_album_KM_familia_1937.jpg CCG_ig_album_KM_nai_1950.jpg CCG_ig_album_KM_co_pai.jpgCCG_ig_album_KM_15_anos.jpg CCG_ig_album_KM_Dbeach.jpg CCG_ig_album_KM_retrato_1966.jpg CCG_ig_album_KM_amizades_1977.jpg CCG_ig_album_KM_doutoramento_01.jpg CCG_ig_album_KM_ECG_1994.jpgCCG_ig_album_KM_1997.jpg CCG_ig_album_KM_mercado_copan.jpg CCG_ig_album_KM_Copan.jpg CCG_ig_album_KM_copan_2006.jpg CCG_ig_album_KM_copan_nenos.jpg CCG_ig_album_maine_2008.jpgCCG_ig_album_KM_peru_2009.jpg CCG_ig_album_KM_copan_posada.jpg CCG_ig_album_KM_125_Rosalia.jpg CCG_ig_album_KM_marica.jpg CCG_ig_album_KM_John_Patick.jpg CCG_ig_album_KM_Lilian.jpgCCG_ig_album_KM_Casa_Rosalia.jpg CCG_ig_album_KM_memento.jpg CCG_ig_album_KM_dornas.jpg CCG_ig_album_KM_ccg_2013.jpg CCG_ig_album_KM_lartista_catro.jpg CCG_ig_album_KM_topsham.jpgCCG_ig_algum_KM_azul.jpg CCG_ig_album_KM_adriana_polly.jpg CCG_ig_album_KM_AIELG_2015.jpg CCG_ig_album_KM_AIEG_2015.jpg CCG_ig_album_KM_santabaia.jpg CCG_ig_album_KM_lembrada_interior.jpgCCG_ig_album_KM_tarxeta_2016.jpg CCG_ig_album_KM_AELG_04.jpg CCG_ig_album_KM_alumna_arte.jpg

SEN COMENTARIOS

DEIXAR UNHA RESPOSTA